ពណ៍ភ្លុកសត្វដំរី » ពណ៍ស្វាយ » ពណ៍ទឹកសមុទ្រ បានរួមបញ្ចូលគ្នាបង្កើតជាស្លាកយីហោរបស់យើង។
ក្រុមហ៊ុន យូនិកអាឃីធិចស៏ ឯ.ក ត្រូវបានបង្កើតឡើងដោយលោក ថោង សុភ័ក្រ្តា នៅរាជធានីភ្នំពេញ ខែមករា ឆ្នាំ២០២០។ យូនិកអាឃីធិចស៏ បានចាប់ផ្តើមធ្វើការលើគម្រោងខ្នាតខុសៗគ្នា, គ្រប់ប្រភេទភាគច្រើននៅភ្នំពេញ, ខេត្តសៀមរាប និងខេត្តព្រះសីហនុ។ យើងផ្តល់ជូននូវ ផលិតផល និងសេវាកម្ម ដ៏ល្អដល់អតិថិជនរបស់យើងមានដូចជាៈ ផលិតផលទី១គឺ រចនាប្លង់ស្ថាបត្យកម្ម » (ពីផ្នែកខាងក្នុង រហូតដល់ផ្នែកខាងក្រៅ, ទេសភាពសួនច្បារ, អគារគ្រប់ប្រភេទ និងគ្រប់ទំហំ), ទី២គឺសេវាកម្ម ប្រឹក្សាសំណង់ » (ឆែកគុណភាពសំណង់ផ្នែកការងារបញ្ចប់ និងត្រួតពិនិត្យប្លង់នៅការដ្ឋាន មានន័យថាក្រុមការងារយើងខ្ញុំធ្វើការជូននៅចន្លោះ រវាង ម្ចាស់សំណង់ និងអ្នកម៉ៅការសាងសង់) ហើយផលិតផលចុងក្រោយទី៣គឺ សាងសង់ » (រចនា រួចសាងសង់ នៅក្នុងកញ្ចប់តែមួយ នៃកិច្ចសន្យាម៉ៅការសាងសង់)។ ក្រុមការងាររបស់យើងមានវិជ្ជាជីវៈច្បាស់លាស់ និងមានបទពិសោធន៍ច្រើនឆ្នាំដែលអាចបត់បែននៅក្នុងការងារជាក់ស្តែង ទៅលើការងារផ្នែក ស្ថាបត្យកម្ម និងវិស្វកម្មសំណង់សុីវិល ជាមួយនិងវិធីសាស្រ្តរបស់យើងដែលអាចសំរេចបាននូវគ្រប់ប្រភេទគម្រោងរបស់អតិថិជន ហើយត្រូវបានរៀបចំឡើងទៅតាមទំហំ និងប្រភេទនៃគម្រោងដែលឆ្ពោះទៅកាន់ការដ្ឋាន និងទីតាំងគម្រោង។ ក្រុមហ៊ុន យូនិកអាឃីធិចស៏ ឯ.ក មានស្ថាបត្យករដ៏រឹងមាំដើម្បីសហការទ្រទ្រង់ទៅលើគម្រោង និងឱកាសធំៗនៅក្នុងព្រះរាជាណាចក្រកម្ពុជា។

បេសកកម្ម យូនិកអាឃីធិចស៏

នៅក្នុងគម្រោងរបស់យើង បានចាក់ឬសយ៉ាងរឹងមាំចំពោះបញ្ហាបរិស្ថាន ក៏ដូចជាផ្នែកផ្សេងៗនៃកត្តាធម្មជាតិ និងសង្គម។ ការផ្សារភ្ជាប់ទៅនិងប្រវត្តិសាស្រ្ត និងចរិតលក្ខណៈរបស់ប្រជាជាតិមួយ មានសារៈសំខាន់ចំពោះយើងហើយអាចមើលឃើញយ៉ាងច្បាស់នៅក្នុងគំរោងរបស់យើង។ កត្តាធម្មជាតិ, បរិស្ថាន និងសង្គម ដែលស្ថាបត្យករដាក់ចេញនូវស្នាដៃរបស់គាត់ គឺជាកត្តាមួយក្នុងចំណោមកត្តាដែលមានឥទ្ធិពលខ្លាំងបំផុតនៃការងារដែលបានបង្កើតឡើង។ យើងជឿជាក់ថាវិស័យស្ថាបត្យកម្ម ដែលរីកចំរើនមិនចេះចប់ត្រូវបានទទួលឥទ្ធិពលយ៉ាងខ្លាំងពីមជ្ឈដ្ឋានបរិស្ថាន និងសង្គម ក៏ដូចជាការផ្សារភ្ជាប់ជាមួយនិងបច្ចេកវិទ្យា ដែលមានសារៈសំខាន់សម្រាប់យើងគ្រប់គ្នា, ហើយនៅតែបន្តស្វែងរកឱ្យបានច្រើនតាមដែលអាចធ្វើទៅបាន នូវការជឿនលឿនចុងក្រោយនៅក្នុងបច្ចេកវិទ្យា និងរបៀបដែលពួកគេអនុវត្តចំពោះការផ្លាស់ប្តូរដែលមិនចេះរីងស្ងួត នោះហើយជាអ្វីដែលគេហៅថា ពិភពនៃការរចនា។

ចក្ខុវិស័យ យូនិកអាឃីធិចស៏

អាគារគួរតែជានិមិត្តសញ្ញាសម្រាប់ពេលវេលានៃការបង្កើត។ ទោះយ៉ាងណាវាគួរតែអាចយកទៅប្រើក្នុងពេលអនាគត និងជំនាន់ក្រោយ ដោយថែរក្សាមិនអោយបាត់បង់នូវអត្តសញ្ញាណរបស់វាឡើយ។ គោលដៅរបស់យើងគឺបង្កើតឡើងដោយឈរលើការរចនា និងការបង្កើតស្នារដៃស្ថាបត្យកម្មដែលធ្វើឱ្យមានភាពខុសប្លែកសម្រាប់ជីវិតរបស់យើង ហើយការបង្កើតលំហរស្ថាបត្យកម្ម ដែលមានគុណភាព ត្រូវបានបង្កើតឡើងសម្រាប់ថ្ងៃនេះ និងរក្សាអោយស្ថិតស្ថេរ ហើយបញ្ចូលគ្នាទៅនិងអ្វីដែលអនាគតនឹងកើតមានឡើង។ វិស័យស្ថាបត្យកម្មដែលត្រូវបានប្រកាន់ខ្ជាប់ទៅនឹងការកើនឡើងនៃល្បឿនដែលមិនធ្លាប់មាននៅសម័យរបស់យើង ជាមួយនឹងបច្ចេកវិទ្យាដែលកំពុងតែរីកចម្រើន។

លោក ថោង សុភ័ក្រ្តា

អគ្គនាយក និង ប្រធានស្ថាបត្យករ